Nederduitse Gereformeerde Kerk Kroonstad-Oos

 

 

Johan Anton Scheepers

 

 14 Mei 1971         

                     12 Maart 2019    

 

 

Afskeidsbrief

 

Dit is baie maklik om hoop te verloor wanneer ons 'n geliefde verloor.  Dit hoef egter nooit van God se kinders waar te wees nie,
want ons het 'n onwankelbare hoop op die heerlikheid wat nou reeds vir ons in die hemel in bewaring gehou word. 
Dit is 'n hoop wat altyd sal bly en wat niks en niemand ooit van ons sal kan wegneem nie, ten spyte van ons groot hartseer.

Want na elke nag is daar 'n dagbreek, na winter, lenteprag.  En oor die grense na die dood wat daar 'n blydag, want ons geliefde
Johann gaan ons maar net 'n wyle vooruit.  Uit 'n aardse wêreld na 'n ewige heerlikheid waar daar geen skeiding meer sal wees
en waar tyd nooit gemeet kan word nie, en waar daar geen sorge of kwellinge kom en waar niemand meer trane stort nie.

 

 


 

Paul Hanse Menge

 

 25 Februarie 1932

                     16 Maart 2019

 

Afskeidsgedagte

 

Vandag vier ons Paul Hanse Menge se ryk en suksesvolle lewe.

Paul was van jongs af passievol oor vele dinge;  boks, boksafrigting en skeidsregter wees, medies, sy dorp Kroonstad
en die gemeenskap, boerdery en sy resiesperde, kuns, kultuur, heerlike kos maak en stamboom navorsing. 
Hy was nie 'n man vir stilsit nie en het al hierdie take met groot passie, krag en liefde angepak.

Bowenal die mylpale wat Paul bereik het die die jare was hy 'n trotse familie-man en vriend. 
Hy het die moete gedoen met elkeen van ons met opregte omgee, liefde en deernis. 
Hy het meestal twee-, selfs driekeer op spesiale verjaarsdae seker gemaak jy weet hy is lief vir jou en dink aan jou.

As familie en vriende was ons bederf met Pa Paul se staaltjies oor geskiedenis, lewenslesse en motivering,
sonder om te vergeet dat hy 'n regte ou grapjas ook was.  Hy was 'n kranige navorser en 'n voorstaander vir
famlie tradisies wat vir baie jare sal voortleef, veral deur sy gunsteling tyd - Kersfees.

Ons dra hom vandag met vreugde op aan die Here waar hy sonder pyn die ewigheid kan ingaan. 
Hy gaan elke dag gemis word, maar sy voorbeeld en liefde leef voort.

 

 

 

 

Catharina Welgemoed 

 

 6 Oktober 1947  

                      27 Mei 2019

 

Afskeidsgedagte

 

 

 

Frederick Andreas Els (Fred)

 

 23 Maart 1934     

                      31 Mei 2018

 

Afskeidsbrief

 

Dit was die wil van die Here om my dierbare eggenoot, ons pa, oupa en oupagrootjie op die ouderdom
van 85 jaar van ons weg te neem.  Sy heengaan is 'n groot verlies, maar ons gun hom die rus.

Ons hou vas aan God se gelofte dat Hy ons smart verlig, dat Hy ons met liefde en krag bystaan en dat Hy verder
met ons gaan. Sy lewensuitkyk was:  "God is goed, Hy is altyd by ons en sal ons nooit alleen laat nie."

Sy heengaan word betreur deur sy vrou, kinders, skoonseuns, kleinkinders, agterkleinkinders, broer en susters.
 

 Maria Hendrina Gerber (Ria)

  17 Februarie 1936

                      12 Junie 2019

 

Groetbrief

 

Dit het ons Hemelse Vader behaag om uit ons midde weg te neem, ons geliefde suster, tannie en ouma in die
ouderdom van 83 jaar, 3 maande en 26 dae.  Ons dank die Here vir die tyd wat sy aan ons geleen was en vir die
sekerwete dat sy nou veilig in Sy arms rus.  Sy het so baie mense aangeraak met haar liefdevolle en vriendelike
geaardheid en ons dank God vir haar mooi lewe.

Van haar bedroefde familie.

 

 

Wilhelmina Johanna Human

 

 25 Augustus 1933

                      28 Junie 2019

 

Afskeidsgedagte

 

 

 

 

Doreen Joan Smuts

 

 7 Junie 1954      

                      11 Julie 2019

 

Groetbrief

 

Na elke nag is daar 'n dagbreek, na winter, lenteprag.

En oor die grense na die dood wat daar 'n blyedag, want ons geliefde Doreen gaan ons met net 'n wyle voortuit.

Uit 'n aardse wêreld na 'n ewige heerlikheid.  Waar daar geen skeiding meer sal wees en waar tyd nooit gemeet kan word nie. 
Waar daar geen sorge of kwellinge kom en waar niemand meer trane stort nie.

Haar heengaan word diep betreur deur Raymond, Marius Snr Marius Jnr, Anushka,
Megan, Dillan, Hailey, Ayden, Ethel, familie en vriende.

 

Johannes Jacobus Brink (Johan)

 

 28 Julie 1951     

                      13 Junie 2019

 

Groetbrief

 

Uit die ketting van ons liefde is 'n kosbare skakel weggeneem, toe dit ons Hemelse Vader behaag het om na
Hom te neem ons geliefde man, pappa, oupa en vriend.  Hy is huis toe geneem deur die Here, God van hemel en aarde
in die ouderdom van 67 jaar.  Sy plek in die hemel was gereed en hy moes dit in besit gaan neem.  Daarom kan ons berus
in die wil van ons Hemelse Vader wat nooit 'n fout maak nie. Alhoewel ons harte seer is en ons treur oor sy heengaan,
is daar 'n magdom van die hemelse soete herinneringe wat altyd in ons harte sal bly voortleef, tot ons weer ontmoet
in die Hemselse heerlikheid.